#TalkGear Nike Air Zoom Pegasus 37 不敗的誘惑

純黑 襯黑 看不見但卻誘惑

Pegasus 可以算係 Nike 跑鞋系列當中一個指標,除左外型討好外,鞋嘅性能更一代比一代好。Peagsus 又叫做「飛馬」,由個名已經表達出係一對快鞋嘅意思。今次 #TalkGear 係慢跑左30km同3次 Interval 後,進行評價。

就咁睇外型,同 Pegasus 36 分別不太大,但其實今次做左好多細節調整,更整得大家留意一下。開箱拎上手嘅 Pegasus,大約重320g (US10.5),前後踭相差10mm,整體感覺比第35及36代更加厚底,厚底程度與 NEXT% 相約 (睇黎黎緊嘅跑鞋都係非厚底莫莫屬),平於點解咁厚底,今日唔講咁多住,之後再同大家分享下。

今次著完第37代 Pegasus 之後,有5方面想分享一下:

1. React 中底

React 泡棉已開始成為主流,主要使用的物料柔軟,能夠因應不同腳型以作出不同的無縫貼合,令鞋型與腳型更加吻合。其次 React 物料嘅特色亦係重點之一,回彈力及緩震能力十分強,縱使力量回饋方面無碳纖板咁好,但針對慢跑、速度課、LSD 課時的回彈力,我覺得仍然足夠的 (始終 NEXT% 類型為比賽專型的鞋款)。同時,由於 React 採用物焊料都較為輕,促使 Nike 係新一代跑鞋當中,沒有保護性&重量的衝突。

2. Air Zoom前掌氣墊

以往 Air Zoom 氣墊都係全掌設計,全掌設計無可否認地,都能夠更有效減低足部與地面衝撞而產生的壓力,但同時我覺得 Air Zoom 會降低鞋的穩定性,特別在於中掌至後踭位置,因為係轉灣嘅時候,我地驅幹中心會跟隨住轉彎的方向移動,如果肌力不太強勁再加上鞋穩定性不太高時,會較容易出現「拗柴」或轉向腳腕扭動情況,增加左腳掌負擔嘅壓力。

Pegasus 37 針對中前掌特定位置 Air Zoom 氣墊,減底 Zoom 全掌氣墊,集中在前掌,能夠有效增加中掌至後踭的穩定性,同時配合 React 中底,呢個組合,能夠更有效根據男女腳型偏號作出調整,符合不同腳型需要。另一個 Air Zoom 前掌氣墊重點,配合前後踭相差10mm這個特點,當跑步/運動時,鞋型、腳部會偏向鞋尖方向傾前,令你每一掌都可以位於前中掌落地,以最短時間與地面作出反彈。

3. 中足足弓帶

Pegasus 36 在於足弓承托設計方面,沿用大部份鞋款 Flywire 飛線設計,在外觀而言,Flywire 的確較好睇,但相對足弓承托力量分佈較差。Pegasus 37 使用中足足弓帶設計,為一整塊的設計,能夠更有效包服足弓位置,大大減低足弓承受的壓力 (對於扁平足或有足底筋膜炎的跑友有更明顯舒適的感覺)

4. 網面及底紋物料及設計

網面物料有分好多種,最常聽都係 Flyknit 及尼龍設計,Pegasus 37 的網面則採工程網眼面料打造,物料相對較柔軟,確保透氣的同時更保證強大耐用性。工程網眼面料對於鞋面扭動、束鞋帶嘅變動更加彈性,如果網面採用較硬的物料,在扭動或束鞋帶時,會因為太硬而令鞋面拱起而未能貼服腳型,導致鞋身變型或腳掌在鞋中移動。

5. 注意重點

由於前後踭相差10mm,導致運動時驅幹前傾,腳掌會集中於前掌觸地,其對小腿、比目魚肌、亞基里斯腱負荷加重。另外,鞋舌設計較薄身,雖然能夠減輕鞋身不必要的重量,但需要留意有機會介損腳腕附近一帶,建議可穿著長筒襪,避免此情況發生。

適合對象:曾經比過賽、追求進階速度、運動場速度課、10 – 21km比賽的跑手

建議零售價: $899
產品提供: Nike