HNR好照顧每位參加者，多咗機會接觸唔同嘅人和講說話，開心咗。最難忘嘅經驗: 寶雲道、荃灣屯門朝早個次、華景山、青衣橋、格仔山衝斜都好癲! 希望HNR繼續關心團友，認真教跑，希望每個人喺輕鬆愉快歡笑中學習更多。

喺FB見到一個「90後環台跑一千公里」嘅故事，細看後覺得佢哋好厲害，感覺到跑步都可以好開心，因為跑步對於我呢個肥仔係非常辛苦嘅事情。我覺得HNR好似個大家庭，出來總是嘻嘻哈哈，分享跑步經驗，参加乜乜比賽同其他咩事都可以拎出來分享，可能跑步就係帶俾每個人嘅歡樂，小弟亦正在響跑步中尋找快樂。

我初頭只係體會(我是路癡)……再跟阿宗跑街最深刻印象係: 跑跑跟跟下唔見咗佢哋，呢個時候我好害怕，唔知點算，我即刻打比佢哋，佢哋真係細心，馬上搵兩位少年返轉頭接番我，呢個時候我心裏決定會跟追隨HNR! 我巳試過遺失3次，但佢哋都會回頭接番我，佢哋呢種做法令我好窩心。我覺得自己身體嘅心肺功能好咗，而腳步有力、身體健康咗!

HNR團友比我嘅感覺係大家都好積極樂觀，大家都非常之友善同玩得! 令我明白一樣嘢：原來人嘅 limit 唔係想像中咁低，同團友跑步係我每星期都會期待既一件事之一。參加HNR係我人生低谷嘅時間，果時成日都懷疑自己，係HNR/跑步帶我走出呢個低谷，令我對生活更有熱忱，做事更加積極進取！