作者: 李盛
兩年幾冇實體賽，對上一次應該係2020年1月既HK100…就算呢次比賽都撞正第五波而要延期，錯有錯著，延期後天氣開始熱，大會提供只有水既水站。(冇水站估計慢多30-90分鐘…)
賽前果晚諗番聽朝應該幾點起身，食早餐，去7仔買補給野，幾點去到起點 check in，熱身 blalala
終於，上線，順利起步。雖然得果唔夠100人，但起步一刻，心跳加速，比賽既感覺番番黎。黃泥涌峽遊樂場起步，斜到癲都要唔執輸跑幾十米，即刻轉入衛徑一段打大佬-紫蘿蘭同孖崗 ???? 打完出到黎赤柱峽道，冇左半條命，先係5k…
跟住好彩有個水站比我補水 (之前冇水站仲諗住一枝500ml跑晒佢????) 同埋有 CyRus Kit 陪走第二段，幫手孭水，陪跑引水道，播下歌，吹下水，已經爭好遠。呢段異常地快，順住走5分正左右pacing…試路當日好似都冇咁快…跑完對腳鬆左少少????之後經紫崗橋行紫蘿蘭徑出番黃泥涌峽道，撞到聰sir用高速移動落緊山，嚇親。此時有另一水站補水，15k。
黃泥涌峽道上到頂後入大潭水塘，再經野豬徑出大風坳，可能太多石屎路 (賴地硬)，平路已得番 6:30-7:00 pace，野豬徑前斜路 power walk only ???? 野豬徑途中半行半跑，大風坳落督徑亦只維持5-6分披 ????
最後上小馬山同渣甸山先最攞命，真係慢過郊遊啊嬸，一路上一路食晒啲補給野(最後都忍口冇食到2包過期gel ????)，到頂後得番2k左右全落山，用埋最後一枝火柴過左一個人順利完賽。
28km，爬升1300m，4小時1分鐘。對於跑量咁少既我，成績相當滿意 ????
到左星期一爭啲起唔到身番工 ???? 全身都好痛，有跑完初馬既感覺 ???? 活著真好 ????
期待下場實體賽。
#真係好耐冇寫包膠
#一路寫一路回味同反思比賽 ????