[18區跑步路線] 西貢區 將軍澳運動場 <-> 布袋澳 (18公里)

跑步路線: 將軍澳運動場—昭信道—將軍澳醫院迴旋處右轉—田下灣村—釣魚翁郊遊徑—布袋澳村道—大坳門道—清水灣道—坑口道—昭信道—將軍澳運動場

  • 行李寄存: 將軍澳運動場
  • 距離: 18km
  • 總攀升: 699m
  • 最高點: 246m (上洋山)

  • 難易度: ★★★★★ ( 5★為最難 )
  • 景觀度: ★★★★★ ( 5★為最好 )
  • 景點: 布袋澳
  • 補給點: 清水灣道近清水灣花園有間士多 (約11km位置)

詳細路線

注意
  • 結合馬路、石屎路、山路既一條路,開始約1.5公里後,於將軍澳醫院迴旋處右轉入 田下灣村。之後就會開始進入上斜段,大約1公里後進入釣魚翁郊遊徑,屬於較比坦既山路,若初階或中階者較需量力而為。沿釣魚翁郊遊徑一直去,大約跑到7.5公里位置就到達 布袋澳 最靚既落樓梯位。
  • 建議初階或中階跑手若未曾行過依條路 / 冇行山經驗,宜結伴同行,避免一個人跑入未曾認識既山路。另外,跑山始終有一定危險,建議跑手攜帶電話,於危急關頭用作求救之用。
  • 另外,由於當中有大約5公里山路,建議跑手穿著 鞋身較硬 及 薄底的跑鞋,可以大大減低拗柴風險。
  • 最後,影相位置始終係石級下山位置,快樂同時都要緊記安全問題,唔好因為要影靚相而做出危險行為,同時亦要顧及其他行山人士感受。
釣魚翁
釣魚翁下望布袋澳

總結

  • 此路線為五星難度路線,各跑手定要量力而為,並於出發前準備足既補給,仲有就係搵個伴一齊跑就最好。
  • 如果想中途退出,路線8km位置到達布袋澳,亦有綠色小巴直出市區。